Debagoieneko Antzerki Plataformak antolatuta, Tolosako, Debako eta Bermeoko antzerki talde bana eta Oñatiko bi elkartu ziren atzo Elgetako Espaloia antzokian. Sari nagusia Tolosako Katiuska taldearendako izan da. Bigarrena, Bermeoko Buseletrikue taldearendako. Aktore onenaren saria Katiuska-ko Idoia Bengoetxeak eskuratu du eta publikoarena Oñatiko DAP Helduak taldearendako.
Euskarazko antzerki sorkuntza sustatzea eta sortzaileen lana ezagutzera ematea da DAP Afizioz lehiaketaren helburua. Atzo, bost antzerki talde elkartu ziren Elgetan antzezlanak egiteko: Tolosako Katiuska taldea eta Debako Goaz Konpainia, Bermeoko Buselektrikue, eta Oñatiko DAP Helduen taldea eta Iker Plazaola Triskantza ekimenarekin.
Proposamenak antzerkizale dezente erakarri zituen Espaloira eta gustura eman zuten eguna, batak bestearenetik ikasiz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
