"Jardunaldiaren harira, Jose Aranako egoiliarrek ALEko ikasleekin batera, gure bailarako ohitura zaharrari eutsi diote. Garizuman, besoetakoari karapaixoa nola egin eta noiz oparitu gaiaren inguruan hitz egin eta goiz ederra pasatu dute guztiek", adierazi dute eskolako arduradunek eta gaineratu: "Lanbide Heziketako hainbat ikastetxe dabiltza jarduera ezberdinak egiten aste honetan belaunaldien arteko harremanak sustatzeko asmoz".
Martxoaren 30ean, Donostian
Jardunaldi honen bueltan ikasleek egin dituzten ikus-entzunezkoak aurkeztuko dituzte martxoaren 30ean, Donostiako Kursaalean: "Lanbide Heziketako ikastetxeetako ikasleak protagonista izango dira eta haien lanak bertan aurkeztuko dira". Jardunaldian Angel Ankain, Adinberriko ordezkariak, BadaBideBat eta Activa FPko partaideak eta Donostiako Udaleko ordezkariak bati bat izango dira, besteak beste.