Oihana Kortazar Espainiako txapeldun berria da trail running-ean. Atzo, domeka, jokatu zen lasterketa Kadizko Sahara de la Sierran, eta elgetarrak lau ordu eta hamabi minutu (4:12:07) behar izan zituen lasterketako berrogei kilometroak egiteko.
Ainara Urrutia ere fin aritu zen, meritu handiko hirugarren postua eskuratuz eta brontzeko domina jantziz. Aretxabaletarra lau ordu eta hogei minutu pasatxoan (4:22:35) iritsi zen helmugara, Kortazar baino hamar minutu beranduago. Ainara Urrutia sasoi-betean dago, orain dela bi aste jokatu zen Kobaz Koba Traila irabazi eta gero.
