Gaur arratsaldean elurra egingo duela ere iragarri du Euskalmetek. Gauean, ostera, euritara joko du. Bihar goizerako hodeiak gutxitu egingo dira pixkanaka eta egunaren bigarren zatian ostarteak zabalduko dira; tenperatura ere zertxobait igo egingo da eta 10 graduren bueltan kokatu. Azkenik, asteburuan, hodei gutxi espero dira baina hotz egingo du, bereziki, gauetan, eta tarteka euria ere bai.
Euskalmet euskal meteorologia agentziak iragarrita zuen bezala, gauen elur kuota 500-700 metrotara jaitsi da. Gaur goizean Arantzazu eta inguruko mendiak zurituta iratzartu dira. Trafiko Sailak jakinarazi duenez Debagoieneko errepideetan ez dago arazorik oraingoz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak