Bihartik aurrera egin ahalko dute ekarpen solidarioa herritarrek, elikagaiak Arrasateko Aita Menni ospitalera –Gesalibar auzoa, 15. zenbakia– bidalita. Kanpainak otsailaren 19ra arte iraungo du. Eraikineko harrerara eraman behar dira jakiak; kutxa bat ere egongo da bertan, ekonomikoki lagundu nahi duenarentzat.
Lesbosera ere egin zuten bidalketa
Aita Menniko Solidaritate arloko arduradunak, Egoitz Zabala Sagarnak, adierazi du 2019an ere indarrak batu zituztela bi erakundeek, kasu hartan, Greziako Lesbos irlako errefuxiatuei laguntzeko: "Kanpaina horretan 2.000 kilo janari bildu genituen, 3.000 euro Zaporeak GKEaren merchandising salmentetan eta Benito Menni Fundazioak 7.000 euro eman zituen, produktu galkorrak erosteko. Testuinguru horretan, berriz ere eskertuko dugu herritarren elkartasuna eta hurbiltasuna".
