Lau jardunalditan banatu dute txapelketa: zapatuan izan ziren bi, goizean eta arratsaldean, eta gaur, domeka, beste bi –10:00etan hasi da goizekoa eta 16:30ean hasiko da arratsaldekoa–.
Zapatuan egindako probetan, Aloña Mendiko zein Bergarako igerilariek zapaldu zuten podiuma. Ane Alberdik -bigarren, infantiletan, 200 metro bizkar- eta Lander Garitanok –bigarren, juniorretan, 200 metro bizkar–. Aloña Mendikoak, berriz, Oier Osa –1.500 metrotan, lehenengo infantiletan eta absolutuetan eta hirugarren 800 metrokoan–, Ane Madina –bigarren 50 metro bizar eta 100 estilotan– eta Oier Aldekoa –hirugarren, 50 metro, libre–. Atzoko proba batzuetako sariak gaur goizean ziren ematekoak; horien artean, esaterako Bergarako Nagore Abad –50 metro, librean, bigarren juniorretan eta hirugarren absolutuetan– eta Aloña Mendiko Kepa Aldekoa –50 metro bizkar, absolutuetan–.
