Egoera herriz herri aztertuta (goiko grafikoan begiratu daiteke herri bakoitzeko datua), Antzuolan, nabarmen egin du behera langabeziak; 2022ko otsailetik erregistratu den daturik txikiena izan du urtarrilean. Behera egin du Arrasaten ere; uztailetik erregistratutako langabezia-tasa baxuena izan baitu.
Eskoriatzan ere, urritik hona, apurka-apurka behera egiten jarraitu du tasak, eta Leintz Gatzagan, Elgetan eta Oñatin ere, abendutik urtarrilera bitartean, –gutxi bada ere– behera egin du.
Bestetik, Aramaion, Aretxabaletan eta Bergaran gora egin dute tasek, baina alde txikiak daude aurreko hilabeteekin alderatuta.
