Aste honetan beste derbi bat jokatuko da, Mondraren eta Bergararen artean, zapatuan (16:30), Mojategin. David Muñozenak sailkapeneko azken postuan dira eta hirunaka batzeak besterik ez die balio. Bergara ere ez dago egoera onenean: bost puntura besterik ez du Mondra eta denboraldia gorabeheratsua izaten ari da. Urrea, beraz, jokoan. Gainontzean, Aloña Mendik Hernaniri egingo dio bisita (zapatua, 16:00) eta UDAk Lagun Onak taldearen aurka neurtuko ditu indarrak (domeka, 16:30, Ibarra).
Emakumezkoen jardunaldia
Emakumezkoen ohorezko erregional mailan Leintz Arizmendi izango da lehena jokatzen, zapatuan (16:30), Beti Gazteren aurka, Lesakan. Domeka arratsaldean (16:00), berriz, Bergarak Urola taldeari egingo dio bisita, Argixao futbol zelaian.