Bergarak eta Aloña Mendik maila guztietan izango dituzte ordezkariak. Kadete mailan bina bikote, gazteen mailan bikote bana herri bakoitzak, eta nagusien mailan bi bikote egongo dira. Aldiz, Aretxabaletatik hiru bikotek jokatuko dute kadeteetan eta bik nagusien mailan eta gazterik ez da izango.
Txapelketa liga bat denez, maila bakoitzean bi asteburutik behin talde bakoitzak bere herrian jokatuko du. Lehen jardunaldia asteburu honetan hasiko da eta talde batzuk beraien herriko zaleen aurrean hasiko dute txapelketa. Jubenil mailan, Aloña Mendik Gaztelekuko bikotearen aurka jokatuko du Zubikoan. Kadete mailan, aretxabaletako bi bikotek hasiko dute etxean lehiaketa, Ilunpe 2 eta Lapkeko bikoteen aurka. Azkenik, nagusien mailan, oñatiarrak eta aretxabaletarrak herrian bertan debutatuko dute, bergararrak hurrengo astera itxaron beharko dute etxeko zaleen aurrean jokatzeko.
