Domeka goizean egin zen Gipuzkoako ziklo-kros txapelketa, Ormaiztegin, eta Espainia mailako txirrindulariak lehiatu ziren. Aimar Erostarbek eta Markel Uriartek euren mailetako goiko postuetan sailkatzea lortu zuten, eta Gipuzkoako lehen postua lortu zuten biek ere.
Aimar Erostarbek 23 urtez azpiko mailan hirugarren izan zen eta Gipuzkoako lehen postua lortu zuen. Haren helburua ez zen irabaztea; hortaz, oso gustura gelditu da emaitzarekin. "Oso lasterketa gogorra izan zen, lokatz askokoa", adierazi zuen Erostarbek. Markel Uriarte, berriz, Espainia mailan bigarren sailkatu zen, David Hidalgoren atzetik, eta, Erostarbe bezala, Gipuzkoako txapeldun bilakatu zen.
