Abenduaren 31n, goizean egingo dituzte Musakolako San Silvestre proba (12:00) eta Bergaran egingo dutena, trail formatuduna (12:00). Bergarako dortsalak agortuta daude jada, baina Musakolan goizean bertan eman ahal izango da izena, Legarre plazan, eta gaztetxoendako lasterketa ere antolatuko dute (10:00).
Arratsaldean hiru
Arratsaldean, berriz, Oñatin (16:30), Eskoriatzan (17:30) eta Aretxabaletan (16:45) egingo dituzte lasterketak, eta horietan guztietan lasterketa aurretik eman ahal izango da izena. "Izen-ematean pazientzia apur bat eskatzen diegu korrikalariei", dio Oñatiko lasterketako antolatzaile Asier Osinagak. Oñatikoa 16:30ean hasiko dute (5 euro) eta korrikalariei txano bana emango diete lasterketa egiteko. Eta, ondoren, hainbat otarre zozketatuko dituzte. "Helburua da arratsaldea girotzea eta urteko azken egunari beste ukitu bat ematea; gogoz gaude". Hala, Oñatin ere gaztetxoendako lasterketak egingo dituzte, 16:00etan hasita.