Ternuak Euskal Mendizale Federazioak dituen 240 kirol elkarte baino gehiago janzten jarraituko du. Horrela adostu dute bi erakundeek, eta ondorioz, Ternuak 38.000 federatu babesten segituko du. Ternuako zuzendaritzatik harro sentitu dira tratua eta gero: "Oso harro gaude gure lurraldeko kirolari handiak janzteaz, arrakasta handia lortzen ari baitira bai estatuan bai nazioartean".
Euskal Mendizale Federaziotik ere ez dute momentua pasatzen utzi eta Ternuak ekoizten dituen arropak goraipatu dituzte: "Oso pozik gaude marka hau jantzi ahal izateagatik bere teknikotasun maila altuagatik eta, gainera, modu jasangarrian ekoiztutako jantziak direlako".
2010ean hasitako harremana
Ternua eta Euskal Mendizale Federazioaren arteko harremana 2010ean hasi zen, Euskadiko Eskalada Selekzioarekin harremana lehenagokoa izan arren.
