Osasuneko Mahai Sektoriala osatzen duten sindikatuek, SATSE, ELA, LAB, SME, CCOO eta UGTk Osakidetzak Mahai Sektorialean negoziatzen ez duela salatu dute. Urte hasieran mahai sektorialetik altxatu ziren eta uda ondoren, egoerak berdin jarraitzen duela tamaldu dute. Elkarretaratzean, osasun publikoan egiturazko arazo larriak daudela jakinarazi dute eta eragile guztiei dei egin diete mobilizazioetara batzeko.
Prekarietatea, zama handia
Osakidetzan existitzen den lan-prekarietatea salatu gura izan dute. Osasun publikoan, behin-behinekotasun-tasa %50ekoa, lanaren gainkarga sistematikoa dela, eta langile gutxi daudela adierazi dute. Guzti honi buelta emateko eta sistema publikoa defendatzeko, mobilizazioak espero dira hurrengo asteetan.
