Momentu gozoan daudela erakutsi zuten abenduaren 11an, Bilboko Bizkaia pilotalekuan aritu ziren bost karateka debagoiendarrek. Kadete mailan, Irati Izurrategi arrasatearrak bigarren postua erdietsi zuen, eta Xavier Varteniuc hirugarren gelditu zen, biak Kumite modalitatean. Kata junior mailan, bigarrena izan zen Danel Izurrategi eta beste bigarren postu bat eskuratu zuen Iosu Madinabeitiak Kata senior mailan.
Gabonetako jaialdia
Pasa den asteburuan, Aretxabaletako Ibarra kiroldegian taldeko gazteenentzat Gabonetako jaialdia ospatu zuten. Benjamin mailan, Jon Caamaño, Markel Giraldo eta Hugo Davila aritu ziren eta alebin kategorian, Eneko Garcia eta Juan Manuel Salazar.
