Gaur zorioneko dira Debagoieneko 261 adingabe. Gurutze Gorriaren azken kanpaina solidarioaren bitartez, gabonetako oparia jaso dute haurrek. Debagoienean egoera zaurgarrian bizi diren 142 familiei zuzendutako ekintza solidarioa izan da.
Javier Igartua, Debagoieneko Gurutze Gorriko presidenteak, kanpaina txalotu du: "Beste urte batez, Debagoieneko Gurutze Gorritik eta dohaintza txikiei esker, Gabonetako egun hauetan arnasa eta babesa eskaintzen diegu gure eskualdean kalteberatasun-egoeran dauden familiei, beren seme-alabentzako jostailu berri bat emanez".
Kanpainaren finantzaketa
Jostailu Hezitzailearen egitasmoa aurrera eramateko, Gurutze Gorriko boluntarioek txeke-jostailuak jarri dituzte salgai Arrasateko Hiper-Eroskin abenduan. Txeke jostailuen salmentari esker, Gurutze Gorriak 4.000 euro baino gehiago bildu ditu.
