Vicente Atxak jarraituko du Mondragon Unibertsitateko errektore izaten beste lau urtez. Gaur egin dute errektorea hautatzeko bilera eta aho batez onartu da Vicente Atxa izendatzea, berriro ere, Mondragon Unibertsitateko errektore. Fakultate guztietako zuzendaritza batzordeetako lehendakari eta ordezkariek eta unibertsitaterekin lanean diharduten enpresa eta erakundeetako ordezkariek parte hartu dute bileran.
Hirugarren agintaldia
Atxak hirugarren agintaldiari emango dio hasiera. 2015eko urtarrilean hartu zuen lehenengoz kargua eta ondo bidean hamaika urte beteko ditu errektore bezala. Errektore izan baino lehen, Goi Eskola Politeknikoko zuzendaria eta Mondragon Unibertsitateko Zuzendaritzako Kontseiluko kide izan zen.
