Josu Zubia aretxabaletarra izango da Gipuzkoako Futbol Federazioko Entrenatzaileen Batzordeko lehendakari berria. Zubiak ibilbide luzea darama Gipuzkoako futbolari lotuta: urteetan entrenatzaile gisa aritu da hainbat klubetan, eta tartean, Debagoieneko zenbait klubetan egin ditu entrenatzaile lanak: Mondran, Aloña Mendin, Bergaran eta baita Aretxabaletan ere. Horrekin batera, Gipuzkoako Kirol Egokituen Federazioan ere badabil lanean, eta 2021eko urtarrilaz geroztik, Federazioko kirol zuzendaria eta Entrenatzaileen Eskolako zuzendaria ere bada. Hemendik aurrera, beraz, Eskola zuzentzeaz gain, Entrenatzaileen Batzordearen buru ere izango da, bi karguetan batera lan eginez.