Jakinarazi dituzte 'Fagor herrigintza' programak lagunduko dituen hiru proiektuak

Zuriñe Urruela Santidrian 2022ko aza. 30a, 15:35

Botazio fasea bukatuta, Fagor Taldeak jakinarazi du Fagor herrigintza programaren baitan lagunduko dituen hiru lankidetza programak: Zaporeak elkartearen Elikadura duina eta osasungarria errefuxiatuentzat Kara Tepe Berrian (Lesbos, Grezia) ekinbidea; Itsas Salbamendu Humanitario asoziazioaren Larrialdi laguntza eta osasun arretarako interbentzioa egitasmoak; eta Seaska Ikastolaren Senperen, kolegio baten eraikuntza proiektua. 

Fagor herrigintza programa Euskal gizartetik sortutako ekimenak laguntzeko eta eurekin elkarlanean jarduteko lankidetza da; aurten lehenengo aldiz abiarazitakoa. Interesa luketen eragileek euren proiektuak aurkezteko deialdi publikoa egin, eta 38 proposamen jaso zituzten. Aurrez iragarririko irizpideen araberako balorazioa egin ostean, puntu gehien zituzten zortzi eragileak pasa ziren Fagor Taldeko kooperatibetako kideentzat abiaraziriko botazio fasera. Hala, hiru proiektu atera ziren irabazle: Zaporeak elkartearena, Itsas Salbamendu Humanitario asoziazioarena eta Seaska Ikastolarena. 

Fagor Taldeko Iraunkortasun arduradun Aritz Otxandiano "pozik" azaldu da estreinako edizioak izandako harrerarekin: "Zerbait berria zen, eta, beraz, ez genekien nolako harrera izango zuen. Elkarte askok erakutsi dute parte hartzeko interesa eta proposamen ugari jaso ditugu, era askotakoak. Pozgarria da hori".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak