Abisu horia ezarri dute, prezipitazio handiak direla eta

Euri zaparradak direla-eta, Eusko Jaurlaritzak abisu horia eman du gauerdian, eta bihar eguerdira arte mantenduko dute. Gipuzkoan bustiko du gehien; batez ere, ekialdean. Zenbait lekutan 24 orduan 60 l/m² baino gehiago pila daitezke. Goizaldean euri ertaina egingo du; goizetik aurrera, berriz, zaparrada ertainak izango dira eta sarriago egingo du euria. Baliteke zenbait lekutan zaparradak handia izatea, eta ez da baztertzen trumoi-ekaitzak jo eta txingorra botatzea.