Aldarrikapena eginez hasi da partidua Bergaran, etxekoak Agorrosin ya! pankarta batekin zelairatu dira. Lehenengo zatia nahiko parekatua izan da, bi taldeak baloia kontrolatu nahian, baina ezinean ibili dira. Golak etxekoei segurtasuna eman die eta atsedenaldira markagailuan aurretik joan dira. Bigarren zatia hasi eta bost minutura oñatiarren urruntze txar bat aprobetxatu eta bigarrenean ez dute hutsik egin bergararrek. Azken ordu erdian jokoa berotu egin da, hala ere, markagailua 2-0 geratu da.
Gainontzeko taldeen emaitzak
Gizonezkoen emaitzekin jarraituz, UDAk 1-2 galdu du Urolan aurka. Gol aukera garbiak sortzeko kapaz izan dira lehen 25 minutuetan, baina ez dituzte aukerak aprobetxatu eta Urola gailendu da. Bestalde, Mondrak 0-1 galdu du Oiartzunen aurka. Hala, Mondrak sailkapeneko azken postuan jarraitzen du 4 punturekin.
Emakumezkoen mailari dagokionez, Bergarak eta Touringek bana berdindu dute, eta Leintz Arizmendik, berriz, launa berdindu du Hernaniren aurka.