Osinurdingo eta Santxolopetegiko biribilguneetan, asfaltatze lanak egingo dituzte zapatuan eta igandean, GI-2630 errepideko zoruaren egitura birgaitzeko proiektuan, eta beraz, ezingo da bertatik ibilgailurik igaro.
Olandixoko tunela itxita
Horrez gain, azaroaren 29tik 30era bitartean, gauean, Arrasateko Olandixoko tunela itxita egongo da errepidearen mantentze-lanak egiteko, eta zirkulazioa erabat etengo da Mugarrietako eta Markuleteko biribilguneen artean.
23:00etatik 05:00etara bitartean egongo da errepidea itxita, eta bi biribilguneen arteko zeharbide zaharra erabiltzeko gomendatu dute, beharra izanez gero.