Bidegi foru agentziak jakinarazi duenez, datorren ostiralean, urriak 14, AP-1 eta AP-8 autopisten arteko 145 lotunea erabat itxiko da Maltzagan (Eibar), Bilborako noranzkoan. Mozketa gaueko ordutegian egingo da, 00:00etatik 04:00etara.
Itxituraren alternatiba gisa, Gasteiztik Bilbora doazen trafikoek Bergara hegoaldeko 133. irteera hartu eta GI-627 errepidetik jarraitu ahal izango dute AP-8ko ordainlekuraino, Eibarren, edo AP-8ko 64. irteeraraino jarraitu Elgoibarren, eta autobidean sartu Bilborako noranzkoan.
