Debagoieneko Antzerki Plataformak DAP Sormena lan-lerroarekin bat datorren ekimena sortu du Antzuolan azaroan egingo duten jaialdiaren baitan. "Debagoieneko antzerkilariei zuzenduta dago eta helburua da aurkezten diren proiektuen artean bat aukeratu ondoren Antzuolan Sormen Egonaldia egiteko aukera ematea. Urriaren 9a da proiektuak aurkezteko azken eguna", diote DAPekoek.
'Dap.eus' atarian
Atari horretan daude parte hartzeko oinarriak eta baita izena emateko aukera ere. "Jatorrizko sormen lana izan behar du, euskaraz sortutakoa. Bakarkako lana edo talde lana aurkez daiteke. DAPeko zuzendaritzak aukeratutako proiektuak Sormen Egonaldirako espazioaren lagapena eta 700 euroko dirulaguntza jasoko du. Proiektuaren kalitatea eta gaitasun berritzailea eta originaltasuna hartuko dugu, besteak beste, kontuan".
