Industria Aplikatuko Ingeniaritza Fisikoko gradua ez da emakume presentzia gehien duen Mondragon Unibertsitateko gradu bakarra; Industria Diseinuko Ingeniaritzan (% 56), Ingeniaritza Biomedikoan (% 61) eta Industria Antolakuntzako Ingeniaritzan (% 53) ere emakumeak gehiagoa dira.
Baina, orokorrean, joera historikoa gailentzen da. Ingeniaritzako matrikula berrien %30 emakumeenak dira eta ikasle guztien –1.937– %29 bakarrik dira emakumeak.
Mondragon Unibertsitateko Goi Eskola Politeknikoak eta ikastetxeak aspalditik dabiltza lanean STEM (Zientzia, Teknologia, Ingeniaritza eta Matematika) eremuko graduetan gizonen eta emakumeen arteko arrakala teknologikoari aurre egiteko. Hainbat ekimen jarri izan dituzte martxan emakumeak erakartzeko zientzia esparruko unibertsitate-ikasketetara; izan ere, gaur egun, lau emakumetik batek aukeratzen ditu. Jarduera guztiak Mondragon ZTIM HUB proiektuaren barruan egiten dira, gaztetxoen artean zientzia, ingeniaritza, teknologia eta matematika sustatzeko.