Ulmak eta Miguel Altuna Bergarako Lanbide Heziketako zentroak sinatutako hitzarmenak zenbait konpromiso batzen ditu. Ulmak bere gain hartuko du ikasleei ordaindutako praktikak eta gradu-amaierako lanak errazteko erantzukizuna. "Prestakuntza-ikastaro espezializatuak emateko asmoa ere badago, baita ikasleek taldeko enpresen instalazioetara bisitak antolatzekoa ere" gehitu dute.
Bestetik, Miguel Altuna Heziketa Zentroak jardunaldi bateratuak antolatzeko eta Ulma taldeko enpresetara bisitak egiteko konpromisoa hartu du, besteak beste. "Taldeko enpresei buruzko informazioa erakutsiko dugu gure hedabideetan, eta, une egokian, Ulmak eskainitako praktikei, gradu-amaierako lanei edo master-amaierako lanei buruzko informazioa emango diegu ikasleei", dio.