Oraindik zabalik dago Lanbide Heziketako erdi eta goi mailetako zikloetan parte hartzeko aukera –ezohiko fasea baliatuz–. Eskualdeko ikastetxe batzuek plaza libreak dituzte. Adibidez: fabrikazio mekanikoan, informatikan, galdaragintzan, mendekotasun egoeran dauden pertsonen arretan, ibilgailuen elektromekanikan, karrozerian, administrazioan, eraikuntza metalikoan, automozioan...
Bestetik, goi mailako Lanbide Heziketa bukatu ondorengo urtebeteko espezializazio ikastaroetan ere plaza libreak daude Miguel Altuna Lanbide Heziketan, eta oinarrizko Lanbide Heziketan ere badaude plazak.
Informazio gehigarria gura izanez gero, ikastetxearekin zuzenean harremanetan jar daiteke, eta www.fpdebagoienalh.eus webgunean ere ikusgai daude plaza libreak dituzten zikloak.
