Langabeziak gora egin du abuztuan; batez ere, herri handienetan

Uztailean baino 171 debagoiendar gehiago egon dira langabezian abuztuan; beste modu batera esanda, %0,55 egin du gora langabeen tasak azken hilabetean. Hala, guztira, 2.514 dira abuztuan erregistratutako langabetuak.

Abuztuan erregistratutako langabezia-tasa % 8,18koa izan da; uztailekoa baino puntu erdi handiagoa. Alde nabarmenena Arrasaten erregistratutakoa izan da, izan ere, aurreko hilabetean baino 60 lagun gehiago daude langabezian. Gainerako herrietan ere egoerak okerrera egin du; salbuespena izan dira herri txikienak: Aramaio eta  Leintz Gatzagan berdin mantendu dira zenbatekoak eta Elgetan bi langabe gutxiago daude.

Hurrengo taulan daude herri guztietako datuak:

Herria Abuztuko langabeak Langabeak guztira Langabezia-tasa
Antzuola +14 84 %7,74
Aramaio = 11 %1,57
Aretxabaleta +19 197 %5,73
Arrasate +60 1.087 %10,70
Bergara +31 551 %7,68
Elgeta -2 29 %4,88
Eskoriatza +14 185 %9,25
Leintz Gatzaga = 2 %1,67
Oñati +35 368 %6,79
GUZTIRA +171 2.514 %8,18

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.