Gipuzkoako txapela jokoan zutenen artean hirugarren eta bere kategoriako guztien artean bosgarren amaitu zuen Bolintxo Okindegia-Lana taldeko Itxaso Askasibar elgetarrak. 6:45 denbora egin zuen, Lacturaleko Paula Ostiz irabazlearengandik 1:06ra.
Kadeteekin jarraituta, Edurne Ormaetxea aramaioarrak hamazazpigarren amaitu zuen, 2:26ra.
Gazte mailan, aurreko bien taldekide Itxaso Plaza arrasatearrak lortu zuen garaipena, 6:16 denborarekin, bigarrenari hemezortzi segundo aterata.
Nagusien mailan, Laboral Kutxako Olatz Gabilondo bergararra izan zen debagoiendar onena, seigarren, Claire Steels irabazlearengandik (5:13) 1:02ra. Eneritz Urrutia arrasatearra (Bolintxo Okindegia-Lana) zazpigarren izan zen, 1:05era, eta Xubane Garai eta Garazi Estevez aretxabaletarrak (biak Laboral Kutxakoak) hamalaugarren eta hamaseigarren, hurrenez hurren, 1:39ra eta 2:22ra.