Istripua 06:40an gertatu da Arrasateko Gi-2620 errepidean, Gesalibar auzotik Aramaiora bidean. Bi autok aurrez aurre jo dute. Ertzaintzaren esanetan bi ibilgailuetako gidariak Debagoieneko Ospitalera eroan dituzte. Errepidea erabat itxita geratu da eta alboko bide batetik desbideratu dute zirkulazioa.
Auto bateko gidaria harrapatuta geratu da barruan eta suhiltzaileen laguntza behar izan du. Zauritutako bi gidariak Aramaioko bizilagunak dira.
08:15erako bertaratu dira langileak autoak kendu eta errepidea garbitzeko. Eta ondoren, errepidea zabaldu dute berriro.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.