Parte hartu dutenen artean egon dira Antzuolako Lamariano Azpikoa baserriko Amatxo gaztandegiko arduradunak, eta Aretxabaletako Areantza Etxebarri baserriko behi-esne ekoizleak.
Amatxo gaztandegia
Antzuolan, Txomin Alberdik ardiak non dituzten eta nola zaintzen dituzten erakutsi dute, eta baita gazta nola egiten duten ere. 18 lagunek parte hartu dute; tartean ume txikiak dituzten familiak egon dira. Donostiatik eta Gasteiztik etorrita, baserriko lana bertatik bertara ikustea nahi izan dute. Amaieran gazta dastatu dute.
Behiak eta esnea
Aretxabaletan, aldiz, behien zaintza eta horiei esnea nola ateratzen dieten erakutsi dute Julen Abasolo eta Agustin Abasolok. Bizkai ingurutik etorritako jendeak arretaz entzun ditu baserritarren argibideak. Amaieran luncha izan dute.