Eduki hau partekatzeko esteka arbelera kopiatu da.
Bizitza beltzek axola dute lelopean, Ongi Etorri Errefuxiatuak eragileak elkarretaratzeak deitu ditu gaurko Euskal Herriko txoko ezberdinetan, joan zen astean Melillako hesia gainditzeko ahaleginean hildako migratzaileak gogoan. Tartean, Bergaran, Oñatin eta Arrasaten jarri dituzte hitzorduak, eta hainbat eragilek egin dute bat mobilizazioekin.
Gaur zortzi gutxienez 37 migratzaile hil ziren Nador (Maroko) eta Melilla (Espainia) arteko hesia zeharkatzen. Geroztik, hainbat erreakzio izan dira, baita gertaera zein migratzaileen egoera salatzeko eragile ezberdinek deitutako mobilizazioak ere. Ongi Etorri Errefuxiatuak gobernuz kanpoko erakundeak uztailaren lehenerako jarri ditu hitzorduak.
Bizitza beltzek axola dute. Mugetako heriotzen aurka izenpean, Euskal Herriko txoko ezberdinetan egingo dira elkarretaratzeak gaur; tartean, baita Debagoienean ere. Bergaran, Oñatin eta Arrasaten egingo dira, zehazki, eta herriko hainbat eragilek egin dute bat mobilizazioekin. Hona hitzorduak:
