Gipuzkoako foru Ogasunak ohartarazi duenez, hainbat gipuzkoarri SMS bidez iruzur egiten saiatu dira azken egunetan. Iruzurgileek administrazioa dela simulatzen dute, eta mezua bidaltzen dute esteka batekin; bertan azaltzen dute errenta aitorpena ordaintzeko lotura dela.
Gipuzkoako foru Ogasunak "beharrezko neurriak" hartu dituela adierazi du iruzurra geldiarazteko, eta bitartean gogorarazi du Foru erakundeak ez duela eskatzen ez informazio konfidentzialik, ez kontu-zenbakirik, ez zergadunen txartel-zenbakirik SMS bidez.
