Txirrindulariek ia 15 kilometrotako ibilbideari egin behar izan zioten aurre atzo, Gervais memorialean, eta Laboral Kutxako ziklista Xubane Garaik 22 minutu eta 45 segundotan geratu zuen erlojua. Hala, elite eta 23 urtez azpikoen kategorian aretxabaletarra gailendu zen. Bigarren sailkatu zen Bolintxo Okindegia - Lana taldeko Eneritz Urrutia arrasatearra (23.47), eta junior mailan ere beste arrasatear bat podiumera igo zen, Bolintxo Okindegia - Lana taldeko Itxaso Plaza hirugarren sailkatu zen-eta (23.34).
Gizonezkoetan, Asier Azkarate hirugarren
Gizonezkoetan, 23 urtez azpikoen kategorian Aimar Etxebarria (Caja Rural) izan zen onena. Maila horretan 21 kilometrotako ibilbideari egin behar izan zioten aurre eta Caja Ruralekoak 27.00-ko denbora egin zuen. Aitor Agirre (Laboral Kutxa) 19 segundotara helmugaratu zen eta bigarren sailkatu zen, eta Arrasateko Asier Azkarate arrasatearrarendako izan zen podiumeko hirugarren koska. Eulen-Nuuk-eko ziklistak bigarrenak baino 25 segundo gehiago behar izan zituen erlojupekoa osatzeko.