Oihana Kortazar azkarrena l'Olla de Núria proban, Malen Osaren aurretik

Kortazar, gaurko proban, jaitsiera batean. (Argazkia: l'Olla de Nuria).

Golden Trail National Seriesen baitako Espainia eta Portugaleko multzoko bigarren proba lehiatu dute gaur: l'Olla de Núria. Emakumezkoetan, bi debagoiendar izan dira onenak 21,5 kilometro eta 1.940 metroko desnibela duen lasterketan. Izan ere, Oihana Kortazar elgetarra nagusitu da, eta bigarren egin du Malen Osa oñatiar gazteak.

Kortazarrek 2 ordu, 42 minutu eta 11 segundo behar izan ditu ibilbidea osatzeko. Osak, berriz, 2 ordu, 45 minutu eta 14 segundo. Bukaeran hiru minutu eskaseko aldea egon da bi debagoiendarren artean, baina une batzuetan estu hartu du oñatiarrak elgetarra. Kortazarrek berak onartu du, proba amaitu berritan, zalantzak izan dituela gai izango ote zen lehen postuari eusteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.