Arrasateko saihesbidean, GI-627 errepidean, bionda-hesia egokitzeko lanak egiten dihardute, eta horren eraginez Osiña-Ospitalerako lotuneko irteera-adarra itxi egingo dute Aretxabaletarako noranzkoan datorren domekan, ekainaren 5ean, 08:00etatik 14:00etara.
Itxita egongo den ordu horietan, Debagoieneko Ospitalera joateko Musakolako biribilgunetik sartu beharko da; handik, Gipuzkoa etorbidea eta Osiñaga kaleetatik jarraituta, Osiñako biribilgune berritik bueltan, eskualdeko ospitalera iristeko.
Obrak behar bezala seinaleztatuta egongo direla adierazi dute Foru Aldunditik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.