"Ez da, baina, auzotarrentzako proposamena bakarrik, gura duten guztientzako ditugu-eta ateak zabalik. 14:30ean elkartuko gara eta entsalada mistoa, okela gisatua, postrea eta kafea izango da eskainiko dugun menua. Domekako 12:00ak bitartean izango da txartelak erosteko aukera, auzoan dugun Sanprubusean eta Oñatiko eta Bergarako Arrano tabernetan, hamabost eurotan bakoitza", azaldu du Josu Osak, antolatzaile taldeko kideak.
Hiru bertsolari gazte
Azken orduko aldaketa izan du kartelak; hori horrela, hiru lagun izango dira mahaiaren bueltan bazkalostean bertsotan: Aitor Tatiegi eta Joanes eta Xabat Illarregi anaiak. "Ekhiñe Zapiain beratarra ere etortzekoa zen, baina, azkenean, ezingo da gurean egon; hortaz, oñatiar bat eta bi leitzar etorriko dira. Gazteak dira hirurak, baina bertso plazetan eskarmentua dute; beraz, giro onean, saio polita aterako delakoan gaude".
