Debagoieneko Gurutze Gorria bertatik bertara ezagutzeko aukera egongo da domekan

Artxiboko irudia.

Gurutze Gorriak Elorregin dauzkan instalazioak ikusteko, zein bestelako tailer eta jolasak egiteko aukera izango dute debagoiendarrek maiatzaren 15ean, 10:00etatik 14:00etara.

Familia osoarentzako ekintzak antolatu dituzte, eta, besteak beste, desfibriladore bat erabiltzen edota bihotz-biriketako bizkortzea egiten ikasi ahalko da, anbulantzia bat barrutik ikusteko aukera egongo da, eta baita txikienentzako jolasak ere.

Antolatzaileek azaldu dutenez, ate irekien asmoa da "eskualdeko bizilagunei erakundearen jarduera eta lana hurbiltzea", Gurutze Gorriak Debagoienean dituen proiektuak, baliabide materialak eta giza baliabideak ezagutaraziz. 

Gonbidapen berezia egin diete ekarpena egiten duten bazkideei, Debagoieneko Gurutze Gorriaren atzean dagoen giza taldea eta instalazioak ezagutzera animatu daitezen. Horrez gain, azaldu dute Sanprubusaren laguntza ere izango dutela, bertako pintxoak dastatzeko aukerarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.