Arrasatearrek bigarren derbia jarraian kateatuko dute zapatuan, Agorrosinera egingo baitute bisita, Aretxabaletaren aurka jasotako porrota atzean uzteko asmoz. Mahoneroek, baina, ez dizkiete gauzak errez jarriko, azken jardunaldietan lehiatzeko daudela erakusten ari baitira, nahiz eta garaipena lortzea kostatzen ari zaien.
Bergara eta Mondraren artekoak lehia gogorrak izan ohi dira; ea zer gertatzen den bihar, zapatua, 16:30ean, Bergararen zelaian jokatuko den norgehiagokan. Ohorezko Erregional mailako 32. jardunaldiko partidua izango da, eta horren ostean beste bi neurketa baino ez zaizkie geldituko taldeei.
UDAk, bere aldetik, Touring liderra jasoko du etzi, 16:30ean, igoera fasean sailkatzeko esperantzarekin. Aloña Mendik, berriz, Oiartzunen jokatuko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.