Futbol arratsalde polita izan da gaurkoa Mojategin. Giro ona, eta harmailak bi taldeetako zalez bete –bitxikeria moduan, Unai Simon, Athleticeko atezaina, izan da ikusleen artean; Mondrako jokalari baten laguna da–.
Neurketa lehiatua jokatu dute arrasatear eta aretxabaletarrek, ikusteko ere polita, entretenigarria. Izan dira gol gehiago egiteko aukerak, baina Ilarramendik baino ez du lortu baloia sarera bidaltzea.
Gaurko partiduaren aurretik, Debagoieneko bi taldeek zituzten 53 puntu sailkapenean. Aretxabaletak, orain, bi puntu jan dizkio play off-eko postuan dagoen Elgoibarri, eta laura jarri, liga bukatzeko hiru jardunaldiren faltan. Aukerekin jarraitzeko, dena den, hurrengo astean liderra, Touring, menderatu beharko dute Ibarran.
Beste taldeak
Gainerako taldeei dagokienez, Bergarak hiruna berdindu du jardunaldi honetan Zarautzen, eta Aloñak 1 eta 3 galdu Azkoagainen, Urolaren kontra.
