Arronizen korritutako lasterketan, lehendabizi tropeletik aurreratu den taldetxoan sartu da Beñat Iñarra Mateos eta, ordura arte atzean utzi ezin izan dituenak, azken igoeran egindako eraso gogor batekin utzi ditu, ihesaldia helmugaraino eramanez.
Bestalde, Mendaron, Maddi Alonso Berezibar antzuolarra hirugarren sailkatu da eskolarteko lasterketan, alebin mailan.
Bolintxo okindegia - Lana S. Coop. taldeko txirrindulariak Balmasedan ere izan dira, Espainiako Kopan, kadete eta gazte mailako emakumeak. Podiumik ez, baina aurreko postuetan ibili dira Lokatzako txirrindulariak, estatu mailako emakume onenen artean.
Kadeteetan, Edurne Ormaetxea Arriaran hamaseigarren sailkatu da eta Itxaso Askasibar Belar, 33. postuan. Gazte mailan, aldiz, Itxaso Plaza Amozarrain 19. sailkatu da.
Apirilaren 30ean, eskolarteko lasterketa izango dute Lokatzako txirrindulariek eta maiatzaren 1ean, kadete mailako emakumezkoak eta gizonezkoak eta gazte mailako emakumezkoak Seguran izango dira.
