Bergarak, Aretxabaletak eta Oñatik final-zortzirenetan hasiko dute txapelketa, Idiazabalek eta Andoainek soilik jokatuko dute final-hamaseirenetako kanporaketa. Hala, maiatzaren 15eko asteburuan Aretxabaleta izango da kanporaketa etxean hasiko duen bakarra. Aretxabaletarrek Hernani izango dute aurrean. Eta joanekoa etxetik kanpora jokatuko duten oñatiarrek amezketarren kontra neurtuko dituzte indarrak eta bergararrek Azkoitira egin beharko dute bidaia. Ez dira kanporaketa errazak, inondik inora. Esaterako, datu historikoei erreparatuta, Azkoitiak jantzi ditu txapel gehien eskuzko txapelketan: hamasei, hain zuzen ere. Azken edizioa, berriz, azpeitiarrek irabazi zuten.
Aretxabaleta, Oñati eta Bergara Herri Artekoan izango dira
Gipuzkoako hamazazpi herri izango dira klub mailan horren maitatua den Herri Arteko Txapelketan. Maiatzaren 1eko asteburuan hasiko dituzte final-hamaseirenetako kanporaketak, baina Debagoienekoek aurrerago hasiko dute torneoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
