Biribilgunea egiteko lanak direla eta, zubia trafikoari moztuta egongo da etzi eta etzidamu. "Klimaren baldintzek lanak behar bezala egitea ahalbidetzen badute, bi noranzkoetan itxi beharko da zubia, Notario Etxagibel kalerantz. Halaber, GI-627 errepidetik bidegurutzerako sarbideak erabili ezinik egongo dira bi noranzkoetan", dio Aldundiak.
Beraz, Aretxabaletako lotunea, Bedoñakoa edo Musakolako biribilgunea (Eroski) erabili beharko dira alternatiba moduan. Halaber, Nafarroa etorbidea zabalik egongo da Eibarrerako noranzkoan.
Era berean, Lurraldebus zerbitzuak aldaketak izango ditu Eskoriatzarako noranzkoan:
DG01, DG02 eta DG05 lineak: Musakolako geltokia kenduko da.
DG10 eta DG11 lineak: Musakola, Zalduspe eta Erdigune geltokiak kenduko dira
DG04 linea: Musakola, Zalduspe eta Erdigune (Kontzeziño) geltokiak bertan behera geratuko dira. Lanek irauten duten bitartean, geldialdia egingo da San Andresen.
Eibarrerako noranzkoan Musakolako geltokia kenduko da linea guztietan.
