Atzo arratsaldean Murun kokatuta dagoen antena nagusiak matxura bat izan ostean, telebista seinalea antena bidez jasotzen duten debagoiendarrek ezin izan dute hainbat orduz Goiena Telebista ikusi; goiena.eus-en edo aplikazio bidez jarraitu ahal izan dute programazioa. Gaur goizean bertaratu dira teknikariak, eta arazoa konponduta, euskarri guztietan ikusi liteke jada programazioa.
Kable bidez seinalea jasotzen duten herritarrek, ordea, ohiko zerbitzua jaso ahal izan dute.