Istripua gertatu denean itxi egin dute errepidea, baina handik laster, ezkerreko erreia ireki dute ibilgailuak pasatu ahal izateko. Ertzaintzaren esanetan ez dago arazorik errepidean une honetan, baina arretaz gidatu behar da oraindik garbiketa lanetan dihardutelako.
Istripua izan da AP-1 errepidean, Arrasateranzko noranzkoan, 05:40 inguruan. Auto batek eta furgoneta batek talka egin dute Eskoriatzako tunelaren amaieran. Suhiltzaileak joan dira ibilgailu barruan harrapatuta geratu den pertsona bat ateratzeko. Ertzaintzaren esanetan zauritu bakarra izan da eta Gasteizko Santiago ospitalera eroan dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak