Eskozia, Frantzia, Irlanda zein Euskal Herriko esperientzietatik abiatuta, gizartearen konpromisoa handitzea helburu duen demokrazia deliberatiboa edota asanblada herritarrak landuko dira bihar arratsaldean Telesforo Monzon eLaborategiak, Mondragon Unibertsitateko Humanitate eta Hezkuntza Zientzien Fakultateak eta Arantzazulab-ek elkarlanean antolatutako jardunaldietan.
XXI. mendeko demokrazia eredu berriak: asanblada herritarrak edo demokrazia deliberatiboa izenpean, marko teoriko zein praktikoan antolaketa eredu hauek "zertarako balio duten eta zein muga dituzten" izango dituzte hizpide. Demokrazia eredu berriak ulertzea eta aztertzea izango da, beraz, gogoeta plazaren nahia, "batzar herritarrak komunitate antolatuaren konpromiso maila handitzeko eredu" parte-hartzaile "baliagarriak" izan daitezkenaren ustetik abiatuta.
Arratsaldean eta online
15:00etan hasiko da lau ordu eta erdiko iraupena izango duen saioa; hona egitaraua. Jardunaldia Mondragon Unibertsitateko Aretxabaletako campusean egingo den arren, parte hartzeko interesa duten herritarrek Zoom plataformaren bidez jarraitu beharko dituzte saioak. Horretarako, ezinbestekoa da aurrez izena ematea elab@telesforomonzonlab.eus helbidera idatzita.