Jugger jokoa ez da kirol modalitatea oraingoz. Ahalegin horretan ari dira eta lehen pausoa litzateke Euskal Herriko jugger federazioa sortzea. Arima Galduak, 2021eko irailean, Berlinen izan zen mundu mailako txapelketa jokatzen.
Jugger jokoaren gaineko argibideak
Taldeak mistoak izaten dira eta bosna lagunekoak. Lau jokalarik armak dituzte eta bosgarrena lasterkaria da. Helburua da zelai erdian dagoen jug izeneko piezarekin arerioaren eremua zeharkatu, eta, beste aldera eramatea. Horretarako, jokalariek lasterkaria babestu behar dute eta bidea zabaldu. Hainbat tresna erabil ditzakete lan horretan, baina argi ibili beharra dago, beste taldeko arma batek ukituz gero immobilizatuta gelditzen delako jokalari hori, denbora batez. Belarrezko zelaian jokatzen da eta joko eremuak forma oktogonala du.
Eibarko taldeak Bergarako Labegaraietan entrenatzen du, igandetan, eta Bergarako, Elgetako, Zumarragako eta Elgoibarko jendea elkartzen da.
