Astelehenero legez, Eusko Legebiltzarreko Osasun Batzordea egin da. Gaur, gainera, berritasun batekin: Kerman Orbegozok legebiltzarkide eta batzordeko presidente izateari utzi dio, Donostiako Udalera joan baita zinegotzi moduan, eta presidente berria hautatzeko bozketarekin hasi da saioa.
Hautagai bakarra aurkeztu da postu berrirako, EAJ/PNV alderdiak iradokitakoa: Elena Lete bergararra. Aldeko zortzi botorekin eta sei abstentziorekin, Orbegozoren lekua hartu du Bergarako alkate ohiak, eta organo horretako kargu gorena izango da gaurtik aitzin.
Hiru hilean behin biltzen da Osasun Batzordea, eta partaidetzara bideratutako talde administratibo zein soziala da; hots, politikoez zein bestelako adituez osatutako batzorde honen ardura administrazioaren jardunaren jarraipena egitea da, eta hala hobesten duten kasuetan, administrazioari bere ekintzez galdetzea.
Kerman Orbegozok Eusko Legebiltzarra uzteaz bat, Garikoitz Mendizabalek hartu du haren lekukoa Legebiltzarrean.
