Arrasateko, Debako, Zarauzko, Zizurkilgo eta Asteasuko zazpi emakumek osatutako Neomak taldeak Ilargi berriak kantuaren bideoklipa aurkeztu du. Musika ibilbidea Kepa Junkerarekin hasi zuten sorginak kantu indartsuarekin eta zaindutako irudiarekin datoz lehenengo bideoklipa aurkeztera. Jantziak, gainera, Amaia Albes moda diseinatzaile arrasatearrak egin dizkie.
Taldearen aurkezpen kantua da Ilargi berriak eta hastapenetan duela oinarri adierazi dute: tradizioa, sorginak, irrintziak, kopla zaharrak…
"Arro berri baten lehen urratsa" izan gura du single honek. Kantuak badu taldearen izenarekin zerikusia –Neomak berbak ilargi berriak esan gura du, grekoz– eta taldeak eskainiko duen proiektu berriari egiten dio erreferentzia.
Gaztetxotan hasi zuten musika ibilbidea taldekideek; trikitixa txapelketetan jardun, eta ondoren Kepa Junkerarekin hara eta hona ibilitako sorginek osatzen dute zazpikotea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak