Oñatiarrek hiru gol sartu zizkien eskoriatzarrei, eta, hori, aurkariaren atean izan zituzten aukera ugarirengatik izan zen. Eskoriatzarrak aritu ziren oñatiarren atean baloia sartzeko zirrikituak bilatzen, baina, etxeko taldeak ongi eutsi zuen defentsan. Derbia irabazita, sailkapenean bosgarren postuan dago Ingou Coinbroker Aloña taldea, eta Eskoriatza berriz, azken aurreko postuan dago, puntu beharrean.
Maila Nazionalean, galdu eta berdindu
Maila Nazionaleko bailarako taldeek ere jokatu dituzte partiduak asteburuan. Eskoriatzak, Tolosala taldearen aurka jokatu zuen Manuel Muñoz kiroldegian, eta Jokin.Vk, Julenek eta Urzek golak sartu arren, aurkariek gehiago sartu zituzten. Hala, 3-5 galdu zuten Alkaideren mutilek. Dena den, sailkapeneko goiko postuetan jarraitzen dute; hirugarren postuan daude eskoriatzarrak 28 punturekin liderrarengandik –Afantxo– bost puntutara.
Mondratek, berriz, etxetik kanpo jokatu zuen Laskorain taldearen aurka, eta 2-2 eginda, puntu bakarrarekin bueltatu ziren etxera. Sailkapenean, erdiko postuetan daude arrasatearrak. Hain zuzen ere, zazpigarren postuan 23 punturekin.