Aretxabaletan 18:30ean abiatuko da Errege Magoen desfilea Ibarra kiroldegitik. Kalerik kale egingo dute ibilaldia baina, ez dute geldialdirik egingo umeen gutunak jasotzeko.
Arrasaten ez dute desfilerik egingo aurten, baina Herriko Plazan izango dira umeen gutunak jasotzen eta gozokiak banatzen, 19:00etatik 20:00etara.
Bergaran, Udal biltegitik abiatuko dute desfilea 19:00etan eta kalerik kale joango dira, ohi baino ibilbide luzeagoa eginez. Goxokirik ez dute botako eta plazan ez dute geldialdirik egingo. Ibilbidea ondorengoa izango da: Udal biltegia - Masterreka - Zubieta - San Lorentzo - Matxiategi - Urdangarin pasealekua – Elemental zaharreko zubipea - Herrilagunak - Irala kalea - Irizar - Barrenkale – San Martin plaza - Bidekurutzeta - San Pedro - Artekale - Arruriaga – Biltegia.
